Кыргыз Республикасынын Ветеринардык Статуардык органынын (Ветеринардык палатанын) I Республикалык конференциясы болуп өттү.

Кыргыз Республикасынын Ветеринардык Статуардык органы ( Ветеринардык палатасы)  Кыргыз Республикасынын «Ветеринария жөнүндө» мыйзамын жана Кыргыз Республикасынын Өкмөтүнүн 2018-жылдын 15-январындагы №317- “Кыргыз Республикасында жеке ветеринардык ишмердүүлүктү жөнгө салуу жөнүндө” Токтомун ишке ашыруунун алкагында, ошондой эле,  Кыргыз Республикасынын Ветеринардык палатасынын Уставдык милдеттерин камсыздоо максатында 2018-жылдын 27-28-июль күндөрү Ыссык-Көл областынын Жеке ветеринардык адистердин 1- Республикалык конференциясын өткөрдү.

Конференциянын жүрүшүндө Ветеринардык палатанын ишмердүүлүгүнө жана анын келечектеги иш аракеттери боюнча маселелер, ветеринардык адистин кесиптик этика (жүрүм-турум) Кодекси, Ветеринардык палатага каттоого туруу үчүн жана кайра каттадон өтүү үчүн алынуучу төлөмдүн суммасы, ж.б. Ветеринардык палатанын ишмердүүлүгүнө тиешелүү суроолор таркуулууланды.

Кыргыз Республикасынын Ветеринардык Статуардык органынын I Республикалык конференциясынын жумушуна катталган район/шаарлардын делегаттары, КРнын Айыл чарба, тамак аш-өнөр жайы жана мелиорация министрлигинин, КРнын Өкмөтүнө караштуу ветеринардык жана фитосанитардык коопсуздук боюнча мамлекеттик инспекциянын  өкүлдөрү, эл аралык уюмдардын өкүлдөрү, эксперттер, ветеринария факультеттеринин декандары жана массалык маалымат каражаттарынын өкүлдөрү катышты.

 

Тактама үчүн.

2007-жылы Кыргыз Республикасынын Өкүмөтү Эл аралык эпизоотиялык бюронун (ЭАЭБ/МЭБ) эксперттерин чакыруу менен, өлкөбүздөгү Ветеринардык кызмат көрсөтүүнун денгээлин баалоо жана аны жакшыртуу боюча тиешелүү сунуштарды берүүнү суранган. Баалоонун жыйынтыгы менен эксперттер Кыргыз Республикасында ветеринария системасы өткөн кылымдын 50-жылдарынын денгээлинде экендигин белгилешкен. 

МЭБ дин эксперттери, эгер абал өзгөрбөсө, мындай шартта, Кыргыз Республикасы башка мамлекеттер менен соода-экономикалык карым катнашты өз денгээлинде  жасай албайт, өлкөдө эпизоотиялык жана тамак-аш коопсуздугун толук камсыз кылуу милдеттерин аткара айбайт деген тыянак чыгарышкан.

Көптөгөн сын-пикирлердин катарында төмөнкүлөр да белгиленген:

1.       Ветеринария жаатындагы ченемдик-укуктук базанын начарлыгы;

2.       Республикалык бюджеттен ветеринардык-санитардык иш чараларды уюштурууга каражаттын жетишсиз каржыланышы; 

3.       Өлкөдө көз карандысыз Ветеринардык статуардык органдын жоктугу (түзүлбөгөндүгү).

Көрсөтүлгөн экспертердин сунуштары “Кыргыз Республикасынын Ветеринардык кызматынын 2008-2012-жылдардагы стратегиялык планы” нын негизин түзгөн.

Стратегиялык планда, Кыргыз Республикасынын “Ветеринария жөнүндө” мыйзамынын жаңы редакциясында автономдуу Ветеринардык статуардык органды түзүү биринчи кезектеги маселе катары каралган. Аталган түзүмдү уюштуруу менен, өлкөбүздө ветеринардык кызмат көрсөтүүнүн сапатына кепилдикти (гарант) камсыз кылуу  колго алынаары белгиленген.

Жогоруда көрсөтүлгон чечимдер, МЭБ дин сунуштарына шайкеш келет, анда: МЭБге мүчө болгон бардык мамлекеттерде “Ветеринардык статуардык орган түзүмү болбосо, аны уюштуруу зарыл” деп айтылган.

Жеке ветеринардык ишмердүүлүктү жөнгө салуу маселелери Кыргыз Республикасынын “Улуттук туруктуу өнүгүүнүн 2013-2017 жылдарга стратегиясынын” башкы приотеттүү багыттары катары көрсөтүлгөн.

Кыргызстанда Ветеринардык статуардык органдын түзүлүшү Презитенттин жана Өкмөттүн

·       Уюмдардын өзүн-өзү башкаруусун өнүктүрүү,

·           Чечимдерди кабыл алууда кесиптик уюмдардын жана жарандык коомдун өкүлдөрүнүн катышуусун камсыз кылуу багытында жүргүзүп жаткан иш аракеттерине шайкеш келет.

2014-жылда Кыргыз Республикасынын жаңы “Ветеринария жөнүндө” мыйзамы кабыл алынып, анда Ветеринардык статуардык органы өлкөнүн улуттук ветеринардык системасынын бир бөлүгү катары жашоого укук алган. 

Кыргыз Республикасынын Ветеринардык статуардык органы – өлкөдө жеке ветеринардык ишмердүүлүктү жөнгө салуучу, өзүн-өзү башкаруу принцибинде иш алып барган коммерсиялык эмес  орган.

Жеке ветеринардык ишкердүүлүктү жөнгө салуу, минималдык кесиптик талаптарга ылайык иш уюштурган жана ветеринардык этика (жүрүм-турум) Кодексин сактаган адистерди ветеринардык ишкердүүлүк жүргүзүүгө уруксат берүү менен турмушка ашырылат.

Өзүнүн мүчөлөрүнүн укугун коргоо багытында иш алып барган “ветеринарлардын ассоциациясынан” айырмаланып, Ветеринардык Статуардык орган, керектөөчүлөрдүн сапаттуу ветеринардык кызмат алууга болгон кызыкчылыктарын камсыздайт.  

Ветеринардык ишкердүүлүктү жөнгө салуу эрежелерин Кыргыз Республикасынын Өкмөтү бекитет,  ал эми, бул багыттагы атайын уюштуруучулук иштерди алып барууну кесиптик уюм катары Ветеринардык статуардык органга берилет.

Ветеринардык статуардык орган түзүү менен:

- бюджеттик ресурстарды үнөмдөөгө жетишебиз жана ветеринардык ишкердүүлүктү башкаруунун натыйжалуу системасы түзүлөт;

- ветеринардык кызмат көрсөтүүдө атаандаштыкты жаратып, кызмат көрсөтүүнун сапатынын жогорулайт; 

- мамлекеттин экспорттук потенциалы камсыздалат;

- улуттук ветеринария системасынын эл аралык стандарттарга шайкештиги жогорулайт.

 

Ветеринардык статуардык органдын каржылык туруктуулугу, анын Реестрине жеке ветеринарларды каттодон жана кайра каттоодон түшкөн төлөм каражаттарынын эсебинен камсыздалат.

Мыйзамдын ченемдик талаптарына ылайык, жеке ветеринардык ишкердик жүргүзгөн тараптар милдеттүү түрдө Ветеринардык статуардык органдын реестринде каттоодо турушу зарыл.